Rodar é promover

Hoxe celébrase o Día Internacional do Turismo. Unha efeméride que aproveitamos para falar doutro tipo de turismo, o que motivan os profesionais do audiovisual. Son dúas direccións, dunha banda atrae a equipos de rodaxe, actores, directores. Antonio Banderas, Pedro Almodóvar, Elena Anaya, Pilar Rubio… son algúns dos nomes de actores e directores que nos últimos meses estiveron por aquí. Da outra, o resultado atraerá a turistas tradicionais. E no medio, as Film Comision, oficinas para facilitar e promover as rodaxes. Das que existen en Galicia só a de Santiago está plenamente operativa neste momento.

Só en Compostela, nos últimos anos rodáronse preto de trescentos filmes. As cifras fíxoas públicas o concelleiro de promoción económica, Xosé Manuel Iglesias, no marco do Festival de Filmes Turísticos de barcelos (Art&Tur). Neste encontro, que repartiu dous premios ao videoclip promocional Santiago é grande (dirixido por Dani de la Torre) que promoveu o concello de Santiago, Iglesias destacou dous aspectos: o descenso no número de producións audiovisuais que se rodan (xustificado polo descenso das producións audiovisuais por mor da crise) e, da outra, o abondoso número de documentais que se rodan. O departamento que dirixe Xosé Manuel Iglesias conta desde hai preto dunha década cunha Film Comission, entidade que se encarga de xestionar as rodaxes na área de Compostela. Non é a única que existe, aínda que si a máis activa e resolutiva. A Galicia Film Comision está baixo mínimos mentres se pon a andar a nova orientación desta entidade que, alén de facilitar as rodaxes en Galicia tamén exercerá de marca de promoción turística. Pola súa banda, Vigo anunciou hai uns meses a creación dunha oficina destas características, aínda que de momento non teñen nin sede física nin personal.

Rodaxes activas
A útima serie de Telecinco está a ser rodar en Galicia. Baixo o título de Piratas, Pilar Rubio e Óscar Jaenada (coñecido no filme coproducido por Filmanova Camarón) darán un salto atrás no tempo para contar unha historia de nobles do século XVIII dirixidos polo galego Jorge Coira (O ano da carracha, 18 comidas). Alén de Trasfontao, o mosteiro de Carboeiro e as fervenzas da Toxa, tamén rodarán na Costa da Morte, Soutomaior, Cambados e Tui. Piratas será emitida por Telecinco en prime time, todo un reclamo turístico que ata algúns concellos esperan que sirva de reclamo turístico.

Da ficción pasamos ao documental, onde a produtora Explora Films está a rodar O leigado celta que pretende repasar o patrimonio galego desde o megalitismo ata a romanización, pasando pola Idade de Bronce e de Ferro. Sorprende o traballo de recreación dun poboado celta en Punta Couso, en Aguiño, logo de nove meses de traballo no que tamén participaron arqueólogos como asesores científicos. Obradoiros de cerámica, curtidorías, pozos, chozas… conforman un decorado que chegou a ter preto de 300 figurantes e unha trintena de traballadores facendo parte dun equipo artístico que dirixe José Manuel Novoa, un especializa que leva máis de trinta anos gravando documentais por todo o mundo.

No ámbito das películas para televisión destaca A verdade na cara, un filme de Formato Producciones que conta a historai con síndorme de Down que despiden do traballo e decideun bo día presentarlle o seu caso ante o alcalde. Unha produción que se está a rodar en Culleredo nestes días. Pero a nómina de rodaxes medrará nos vindeiros meses porque acaban de resolverse as axudas a produción por parte da Administración que motivará as produtoras a continuar co seu traballo.