O Goberno prepara unha lei para que os cidadáns se poidan comunicar na súa lingua coa Administración Central

Conseguir que os cidadáns se poidan comunicar coa administración do Estado na súa propia lingua é un dos obxectivos da lei na que traballa o Executivo. Así o confirmou Manuel Chaves, vicepresidente terceiro do goberno, no Congreso do Deputados. O que non especificou foi con qué organismos se fará efectivo ese uso das linguas cooficiais (galego, catalán e éuscaro). Ademais, Chaves afirmou que na Oficina para as Linguas Oficiais correspondente a 2009 só se recibiron 8 queixas sendo a maioría delas relativas ao galego.