Dous concertos de cámara traen membros da New York Filharmonic a Galicia

A sede da Fundación Caixa Galicia na Coruña e mais o Salón Teatro en Compostela acollen hoxe e o venres as primeiras actuación de membros da New York Filharmonic en Galicia. Cinco dos compoñentes desta prestixiosa formación interpretarán pezas de Mozart, Haydn e Brahms en dous concertos de cámara que fan parte da programación do ciclo Xacobeo Classics. O recital da coruña comezará hoxe ás 20:30, e o compostelán poderá seguirse a partir das 21 horas.