Manuel Ferrol é recoñecido unanimemente no noso país como fotógrafo da emigración polos seus retratos daqueles que fixeron parte da diáspora galega. Agora, por vez primeira, estas imaxes visitan o lugar de destino de moitas daquelas persoas. O Centro Cultural de España en Bos Aires acolle a exposición Emigración no marco do Festival da Luz que se celebra na capital arxentina. As imaxes poderán verse ata o vindeiro 3 de setembro.
