Isabel Pires de Lima fala no CCG sobre como afrontar a cultura no novo contexto social e económico

A catedrática de Lingua e Literatura Portuguesas da Universidade do Porto Isabel Pires de Lima disertará hoxe á tarde no Consello da Cultura Galega sobre a cultura e o novo mundo novo. Para a profesora Pires de Lima, é de "primeira importancia desenvolver unha nova e máis ambiciosa abordaxe para o sector cultural, alicerzada en estratexias integradas que reforcen a súa conexión efectiva co mundo real". A conferencia, enmarcada dentro do ciclo O(s) sentido(s) da(s) cultura(s) que dirixe Ramón Máiz, celebrarase na Biblioteca do CCG ás 17 h.