Malia a que se endureceron os criterios para a súa concesión, Galicia conseguiu para este 2010 132 bandeiras azuis nas súas praias e portos deportivos, oito máis do que no pasado ano. A enseña, que outorga a Asociación de Educación Ambiental e do Consumidor, recoñece as boas condicións e instalacións destas áreas de ocio. Con este novo crecemento consolídase a tendencia á alza no número de bandeiras das nosas costas, que unicamente descendeu en 2008, cando quedou en 109 logo de que a mentada asociación retirase 22.
