Ourense terá unha recreación histórica da época da Xeración Nós

O primeiro terzo do século XX foi unha época de grande actividade cultural en Ourense, a coincidir co traballos da Xeración Nós. Para lembrar aqueles anos, unha trintena de asociacións e entidades da Cidade das Burgas preparan a celebración, o vindeiro 30 de maio, da I Festa de Recreación Histórica 'A Bela Auria'. O evento achegará dúas exposicións sobre libros e fotografías antigas, bailes tradicionais, cinema, un concerto de corais, conferencias sobre este período histórico ou un xantar popular son algunhas das actividades previstas para o encontro, que se celebrará nos Xardíns do Posío e mais no IES Otero Pedrayo.