Preséntase a primeira antoloxía en inglés de literatura galega

Anthology of Galician Literature é o título do lanzamento conxunto que fan Galaxia e Xerais e que chegará ás librarías nos vindeiros días. A obra, coordinada por Jonathan Dunne, fai un percorrido por todos os xéneros entre os século XII, cando aparecen os primeiros documentos na nosa lingua, ata 1981. Canda a Dunne, un total de 55 persoas participaron na selección de textos, que quere servir para difundir as nosas letras no ámbito anglosaxón. A presentación do libro farase o vindeiro día 5 de xuño.