A Asociación Cultural Entre Bambalinas convoca por segundo ano consecutivo o Certame Galego de Banda Deseñada sobre Teatro. Nesta ocasión, os participantes deberán adaptar a cadriños a obra Hámster de Santiago Cortegoso en 16 páxinas. Os gañadores levarán mil euros e mais a publicación da obra. Ao tempo, a biblioteca central de Vigo organiza o seu primeiro certame de banda deseñada, para traballos de entre dúas e catro páxinas. Os gañadores de cada unha das tres categorías de idade levarán como premio un lote de produtos relacionados coa BD.
