O papel pedagóxico das radios a debate no congreso Pontes de Cultura, pontes de futuro

A educación, a innovación, o patrimonio, a cultura, as tecnoloxías de comunicación e da información e os medios. Son os distintos aspectos que pretende abordar o congreso internacional Pontes de Cultura, pontes de futuro que comeza hoxe no Verbum de Vigo. A cita está organizada por Ponte nas Ondas, unha entidade que xurdiu da experiencia de radio interescolar entre Galicia e o norte de Portugal que cumpre quince anos de traballo. E para festexalo, no marco do congreso presentarán un documental, un libro-disco e un concerto do que foi a súa actividade nestes tres lustros. O congreso desenvólvese ata o domingo e participarán relatores como o xornalista Manuel Campo Vidal, Xerardo Pereiro, Antonio Reigosa ou a antropóloga canadiense Sharon Roseman.