Casa natal de Manuel María
Transformar unha casa tradicional en Outeiro de Rei nun centro cultural cun auditorio, un museo e unha das máis completas bibliotecas privadas de obras en galego que existen. Esta é a proposta que quere desenvolver a Fundación de Estudos Galegos Manuel María na casa natal do poeta. Un ambicioso proxecto que está a sumar adhesións e que promete ser unha realidade en breve. Alberte Ansede, secretario da Fundación, explícanos o proxecto e a importancia do legado que se conserva neste edificio.
