Dez feiras do libro percorrerán Galicia este 2010

Como cada ano, as feiras do libro comezan a súa andaina pola xeografía do país. Un total de dez citas en cidades de vilas permitiranlle ao público achegarse a produtos de 150 librarías, editoras e entidades do sector, segundo os datos que adiantou hoxe a Consellaría de Cultura. Ademais de mercar libros, os asistentes poderán asistir a conferencias, concertos, espectáculos e mesas redondas. O teatro infantil de Os Repeniques, monólogos a cargo de Danny Boy-Rivera, a guitarra clásica de David González, os magos Vituco e Toño ou os Contos da Boca Aberta de Pavís Pavós son algunhas das actividades que farán parte das programacións das distintas feiras. Os eventos contan este ano con cadasúa carpa e inclúen un posto específico de promoción das actividades do Ano do Libro.

CALENDARIO DE FEIRAS DO LIBRO PARA O ANO 2010


Ferrol, do 21 de abril ao 25 de abril. Cantón de Molíns

Santiago, do 1 de maio ao 9 de maio. Paseo Central da Alameda

Lugo, do 15 de maio ao 23 de maio. Praza Maior

Ourense, do 29 de maio ao 6 de xuño. Rúa do Paseo /Pz Bispo Cesáreo

Vigo, do 2 de xullo ao 11 de xullo. Praza de Compostela

Cangas, do 21 de xullo ao 25 de xullo. Alameda de Soage

A Coruña, do 1 de agosto ao 10 de agosto. Xardíns de Méndez Núñez

Viveiro, do 13 de agosto ao 16 de agosto. Xardíns de Noriega Varela

Foz, do 19 de agosto ao 22 de agosto. Praza do Conde de Fontao

Monforte, do 25 de agosto ao 28 de agosto. Rúa Cardeal