Ata o primeiro de maio poderanse inscribir todos os interesados en formar o coro Cidade de Vigo. Unha iniciativa promovida polo concello con cáracter semiprofesional e que pretende que teña unha composición reducida xa que está pensado como un coro de cámara. De todos os xeitos, o seu número dependerá dos que se presenten as probas de audición que se desenvolverán os dÃas 7 e 8 de maio. O coro estará dirixido por Joám Trillo, responsable da creación da Xoven Orquestra de Galicia, e a participación da profesora de canto, Teresa Novoa. Esta entidade cantará pezas clásicas de autores como Bach, Beethoven, Stravinksi ademais da recuperación de compositores galegos do pasado e actuais.
