Santiago contou desde tempos de Xelmírez cunha traída de auga que levaba a auga procedente da fonte Blanca ou dos montes de Vite ata a catedral. Por iso, a cidade de Compostela goza de numerosas fontes que, aínda que xa non cumpren a súa función de fornecedoras de auga, son un exemplo de valor artístico, etnográfico ou histórico e son testemuño doutras formas de vida. O concello de Santiago, aproveitando a celebración do Día Mundial da Auga (que se celebra o 22 de marzo) editou un folleto no que, ademais de propor un percorrido polas fontes históricas que sirva, ademais, de escusa para coñecer como vivían os nosos antepasados e facer un percorrido polo patrimonio histórico da cidade.
