Presentación de Pressing Catch. Foto Manuel Vilas
O espectáculo da loita libre como metáfora da vida. Persoaxes do cotián enfrontados á violencia. Esta é a proposta que fai Berrobambán en Pressing Catch a produción escénica que se estrea hoxe na sala NASA, en Compostela. Quico Cadaval dirixe un texto de Paula Carballeira, editado por Positivas, nunha iniciativa que tamén implica un disco e mais unha serie de videos promocionais. Hugo Torres, Paula Carballeira, Chiqui Pereira e Anabell Gago levan a escena o proxecto.
