Infante. Xoan A.Soler. Gañadora do primeiro premio "A imaxe de Galicia"
Era o momento no que os soldados da Brilat partían desde o aeródromo militar de Lavacolla e, segundo o xurado, o fotógrafo soubo captar con “habilidade” o distintos niveis de conflicto da partida, a “inocencia fronte á preocupación, o xogo fronte a intervención militar e o problema familiar da separación”. Con esta imaxe, titulada “Infante”, o fotógrafo Xoan A. Soler fíxose co premio “A imaxe de Galicia” que outorgan a Fundación Caixa Galicia e o Colexio Profesional de xornalistas de Galicia. Ademais do premio, dotado con 9.000 euros, o xurado seleccionou 50 imaxes coas que se formará unha exposición (que toma o nome do premio) e que recorrerá as sedes da Fundación Caixa Galicia.
