O índice de lectura medra e alcanza o 54,9 por cento

Continúa o crecemento do índice de lectura no noso país. Segundo os datos que facía onte públicos a Federación de Gremios de Editores, Galicia conta xa cun 54,9% de poboación lectora, o que supón un 0,5 máis do que o pasado ano. Malia a se achegar deste xeito á media estatal (55%), a nosa comunidade continúa a estar entre as que menos lectura fan, xa que ocupa o undécimo posto no conxunto do Estado. En canto á nosa lingua, unicamente un 7,4% dos lectores galegos recoñece ler habitualmente na nosa lingua, que supón un 0,5% das lecturas no conxunto do estado.