Conta con ata cinco figuras legais de protección e en menos de dous meses pasou de rebordar auga a estar medio desecada. A lagoa de Valdoviño está a sufrir un progresivo deterioro desde a década dos cincuenta nada favorecido por diferentes baleirados realizados polas diferentes administracións. De feito, nos últimos meses produciuse unha apertura de auga que expulsou máis da debida polo que o concello solicitou información á Xunta (competente no lago) sobre o estado actual da lagoa. Unha petición á que a consellaría de Medio Rural acaba de contestar explicando que se produciu ao baleirado tradicional e “que non causou dano significativo ningún sobre o estado de conservación dos hábitats e especies deste senlleiro espazo natural”.
