Josep Puxeu, secretario de Estado e Medio Rural e Auga, anunciou o mércores na clausura da xuntanza do Comité Científico Español do programa Home e Biosfera da UNESCO que o parque natural do Xurés-Gerês formará parte da Reserva da Biosfera. O novo parque natural incluirá varias zonas de Reserva Integral nas que se priorizará a conservación do contorno. A denominación Reserva da biosfera foi establecida pola UNESCO de acordo co concepto de "desenvolvemento sostible". Non só se trata de protexer o medio, senón de harmonizalo co desenvolvemento económico e humano.
