Kiko da Silva presenta cun blog o seu vindeiro traballo

Al otro lado del muro é o título do blog co que o debuxante galego Kiko da Silva quere presentar o seu vindeiro proxecto, unha novela gráfica titulada Bajo la sombra de las piedras flotantes. A obra, de 160 páxinas de extensión, está previsto que vexa a luz a finais de 2010 cunha edición en castelán da man de Norma e outra en galego realizada por Xerais. Segundo adianta o autor, o blog pretende achegarse ao proceso creativo desta obra e introducir o lector no universo da mesma, sen amosar ningunha páxina do proxecto.