A Coruña Visible achega as diferentes opcións sexuais a través de actividades artísticas

Curtametraxes, monólogos, exposicións, teatro e concertos. Este é o programa da terceira edición de A Coruña Visible, un festival que ten como obxectivo achegar as diferentes orientacións sexuais a todos os públicos a través da arte. Entre as actividades deste festival destaca a exposición 57 puñaladas (Centro Cívico dos Rosais, ata o 11 de decembro). Unha mostra que toma o nome do número de puñaladas que un home asestou a unha parella de gays alegando medo a que o violaran e que suscitou unha colaboración por parte de numerosos artistas.