Aproveitar a cultura local, e máis concretamente, o patrimonio musical, de cara ao desenvolvemento local. Este é un dos obxectivos do estudo que está a facer un equipo de aCentral Folque en Vilaxoán. O historiador Ramom Pinheiro e o antropólogo Marcos Lorenzo son os responsables dun proxecto que está en marcha desde setembro e que pretende realizar un inventario completo encol da música e da cultura mariñeira desta vila arousá.
