O viaduto de Redondela perderá en breve a rede que o envolveu nos últimos meses. O alcalde desta localidade, Xaime Rei, asegura ter chegado a un acordo neste sentido coa Dirección Xeral de Patrimonio do Estado, dependente do Ministerio de Economía e Facenda. Malia a que os prazos e orzamentos do mesmo se fecharán a vindeira semana, o alcalde confirmou que a actuación abordará a recuperación e mantemento da estrutura, gravemente deteriorada e na actualidade cuberta por unha rede para evitar o desprendimento de fragmentos. De cara o futuro queda o proxecto de recuperar o viaducto como pasarela peonil.
