As relacións entre a Igrexa e o Estado foron sempre moi controvertidas. Por iso, este é o tema no que se pretenden centrar os VII Encontros Mondariz-Balneario. Baixo o título “O César e Deus: relixión, laicidade e espazo público” a Fundación Casares pretende por sobre a mesa as alternativas e opcións asisadas dende a consideración do contexto mundial e dos antecedentes históricos, atendendo especialmente á nosa circunstancia inmediata. Gregorio Peces-Barba, José Bono e Andrés Torres Queiruga son algúns dos participantes destes encontros que terán lugar do 20 ao 22 de outubro en Mondariz-Balneario (Pontevedra).
