“Educación, democracia e laicidade”. Este é o lema co que se desenvolven en Santiago os vixésimos terceiros encontros de Educación para a Paz. Unhas xornadas que teñen lugar ata sábado e que contarán coa presenza de personalidades destacadas como Gregorio Peces Barba, Juan José Tamayo, Margarita Pintos de Cea Naharro ou Andrés Torres Queiruga. Ademais das conferencias, proxectarase o documental “Cultura de paz”, celebraranse diferentes obradoiros simultáneos e presentaranse distintas experiencias prácticas, entre as que se atopa Galicia Acolle, o Foro Galego de Inmigración, Xogos Cooperativos ou Europa Laica.
