O Consello da Cultura analizará a situación da lingua

A reflexión sobre a lingua ocupará boa parte da programación do Consello da Cultura Galega para este outono. Por unha banda, o día un de decembro, a primeira sesión do seminario Lingua, sociedade e política en Galicia analizará a situación sociolingüística actual. O programa continuará ao longo de 2010 con sesións encol os modelos lingüísticos, a educación ou os medios de comunicación entre outros ámbitos. Por outra banda, o 22 e 23 do próximo mes de febreiro, as Xornadas de Análise sobre a Carta Europea das Linguas Rexionais e Minoritarias reflexionarán sobre este documento. Na presentación destas actividades o presidente do Consello, Ramón Villares, sinalou que, como membro da Real Academia, concorda coas críticas que o presidente deste organismo verteu contra a política lingüística do actual goberno da Xunta.