193.000 alumnos volven hoxe ás aulas

Promete ser un curso ben polémico e movido, aínda que por motivos extraescolares. A ameaza da gripe A, a gratuidade dos libros de texto e a posible derogación do decreto do galego no ensino son os grandes temas para o curso 2009/2010. A Plataforma Galega pola Gratuidade dos Libros xa reuniu máis de 15.000 sinaturas para presionar o Goberno na restitución da medida aprobada polo anterior bipartito pola cal as familias non pagaban polos libros de texto. En total, 193.000 escolares incorporanse ás aulas, dos cales 65.000 son de educación infantil.