A Feira do Libro de Beijing contará, como xa ven sendo habitual, coa presenza de editoras galegas. Kalandraka, Faktoría K, Oqo e Nova Galicia comporán a representación galega no evento, que se desenvolve entre o 3 e o 7 de setembro. Pola súa banda, Edicións do Cumio, Baía e Oqo achegaranse á Bienal do Libro de Brasil entre o 10 e o 20 de setembro. Canda a elas, un posto do Instituto de Comercio Exterior de España achegará as novidades doutras firmas galegas da edición.
