Borja Costa estrea na Coruña Música para un ouveo

O Teatro Rosalía de Castro da Coruña acolle o vindeiro día 3 de setembro Música para un ouveo, último traballo do compositor galego Borja Costa. Esta peza para un quinteto musicaliza o coñecido poema Ouveo de Allen Ginsberg, que será recitado por Xoán Abeleira. O espectáculo deixa un grande espazo para a improvisación, tanto a nivel musical coma oral. Os interesados tamén poderán asistir ao concerto en Vigo no Auditorio Caixanova o día 4. Nesta cidade será Fran Alonso quen actúe coma mestre de cerimonias, mentres na Coruña estará presente Manuel Rivas.