A cova de Eirós albergou neandertais hai 84.000 anos

As escavacións arqueolóxicas na cova de Eirós (Triacastela) que está a desenvolver a Universidade de Santiago continúan a achegar descubertas relevantes. Desta volta, os investigadores atoparon materiais que datan en 84.000 anos, 50.000 máis dos coñecidos ata o de agora, a ocupación neandertal da cavidade. Ao tempo, tamén se descubriu unha capa máis moderna que podería datar de entre 30.000 e 17.000 anos e achegar datos sobre un período moi pouco coñecido da nosa prehistoria.