Dunha banda, están as grandes exposicións, as grandes actuacións pensados de cara o lecer e moi mediatizados tanto pola administración como pola economía de mercado. Da outra, está a cultura a promovida polas redes sociais, os colectivos... que ten unha visión moito máis crítica. Pero ambas as dúas visións son cultura e, ambas se analizan nun curso de verán que comeza hoxe en Santiago. A iniciativa, dirixida por Miguel Anxo Rodríguez, chámase A espectacularización da cultura e contará coa presenza de xornalistas, creadores, profesores de socioloxía, arquitectura, literatura, historia da arte ou xeografía. Entre os seus cometidos destacada o de analizar a relación entre cultura e economía, e a confrontación entre cultura espectacular e cultura crítica.
