Arte con moita luz

Nano 4814, Félix Fernández e David Ferrando comparten o feito de ser creadores novos, nados en Galicia, cunha gran proxección internacional e, desde hai uns días, os ultimos beneficiarios das bolsas de creación artística Unión Fenosa. Unha bolsa que lles permitirá desenvolver no estranxeiro uns proxectos que reflexionan sobre o pasado persoal, a tradición mexicana da Santa Morte ou sobre o papel da gravación como creador de ficcións. Propostas que os artistas nos explican en detalle.

Nano 4814: da meca do grafiti ao colorismo mexicano
Vigo, 1978. Grafiteiro vigués cunha ampla proxección internacional e un referente na escena do street art nacional. Estudou Belas Artes en Pontevedra e realizou estudos na Saint Martins School of art (London) e no London Colllege of Printing. Ten unha estética e iconografía moi persoal e esconde o seu nome baixo un seudónimo (cunha combinación numérica que corresponde coas letras do seu primeiro apelido). Instalación, pintura, debuxo e escultura, sen esquecerse dos espráis son as súas principais ferramentas de traballo.

A proposta


Nano propón para esta bolsa facer un cardeno de viaxe que recolla as impresións que lle producen a visita a dúas cidades: dunha banda Nova York e da outra México DF. Como graffiteiro, a visita á Nova York é obrigada, porque como el mesmo di, é “á meca do grafiti, un movimento artístico moi relacionado co que fago e, polo tanto, interésame a actividade creativa desa cidade para o movimento do grafiti, lugar no que comezou todo ao finais dos anos sesenta”. O artista irá despois a México DF moi interesaado pola tradición da santa morte na cultura mexicana (celebración que se festexa cada setembro), e a súa tradición muralista mexicana (con referentes como Orozco ou Sequeiros) así como a concepción do color no folclore mexicano tradicional.

Félix Fernández: Something like me, someone like me; unha identidade incerta.
Félix Fernández (Viveiro, 1977) é licenciado en Belas Artes pola Universidade de Vigo e un dos representantes máis destacados da nosa xeración de artistas galegos. O seu traballo enmárcase dentro do territorio da fotografía, expandíndose a propostas constantes na videocreación, na instalación e, de xeito moi importante, na acción e na performance. A temática centrada no autobiográfico e na ficción, analiza cuestións que se relacionan co corpo, a identidade, para proxectar un retrato crítico do social. Autor que desenvolve o seu traballo fóra de Galicia, na súa extensa traxectoria expositiva presenta proxectos colectivos e individuais, onde se distinguen as mostras realizadas no Centro Cultural Torrente, o Museo de Lugo ou a galería C5, ademais de estar presente en colectivas como Urbanitas (MARCO), Injuve ou Plugged, Unplugged, nas feiras ARCO, Liste Köln, Estampa ou Loop, nos ciclos Miradas Virxes, Malas Artes e Latitudes, e festivais de acción como Invertebrados 06, Contenedores 5.0 ou Chámalle X.

A súa aposta


É un proxecto de investigación a partir das historias de vida do seu bisavó paterno e o tio avó materno, exiliados en Baltimore (aínda que traballaba no porto de Nova York) e en Berlín. Dúas historias reais das que o artistas ten moi poucos datos e el pretende reinventar ese pasado familiar en clave de fábula, xa que non pretende reescribilo tal e como fon, senón ir facendo unha reconstrución da sáu vida. Nesta iniciativa, Félix Fernández mesmo fará un cásting no que buscará aos seus dobres empregando as rede e carteis. No fondo pretende demostrarque a identidade é algo que se constrúe. “´Quen controla o pasado controla o presente, quen controla o presente constrúe o futuro”

David Ferrando Guiraut: innovación fotográfica
Negreira, 1978. É un dos valores á alza da creación galega. Despois de estudar Belas Artes na Politécnica de Valencia, fixo un mestrado en Fotografía, arte e téncica. Beneficiario da deputación da Coruña e da Fundación Barrié de la Maza completou a súa formación no estranxeiro. Participou en numerosas exposicións en feiras internacionais como ARCVO, Bruxelas e galerías de todo o estado. No seu currículo destacan numerosos premios como Purificación García, o INJUVE e os das entidades financeiras Caja Madrid e Bancaja.

A proposta: Agora, coa bolsa Unión Fenosa pretende continuar coa súa liña de traballo habitual (establecer relacións entre momentos, lugares, percepcións, experiencias e recordos co obxectivo de debuxar un mapa da nosa propia realidade.) co que producirá tres pezas. A primeira relaciona a idea do audiovisual como un colector do pasado, vencellado á idea de ruina. A seunda, afondará na relación da idea de gravación como creador de ficcións. E de aí, pasará dun traballo narratio a un máis puramente visual. Ademais, de xeito paralelo a estas pezas de vídeo-cine, David Ferrando establecerá tamén un conxunto de traballos que inclúen técnicas que van desde o collage ou a fotografía ata as pezas sonoras.