Betanzos fará da súa semana de cine, a semana da crítica

Do 23 ó 25 de xullo Betanzos terá a súa habitual Semana de cine. E no sentido máis literal da palabra porque acolle unha nova edición dun evento que encherá de celuloide a aula municipal de cultura. Lonxe da espectacularidade doutros eventos do xénero, nesta xuntanza preténdese abordar unha visión máis práctica, de traballo e menos de exhibición. Durante tres días críticos como Manuel Hidalgo, Casimiro Torreiro e Vicente Molina Foix ofrecerán o seu punto de vista dentro do primeiro curso de cine en Galicia. A semana de cine está organizada pola Universidade e o Concello de Betanzos e completarase coa proxección de filmescomo “Más dura será la caída” e “Las bellas durmientes”.