Cada día que pasa é máis complicado atopar trazos de identidade propia das cidades. Isto é o que defende Francesc Muñoz no seu relatorio Urbanalización: paisaxes in vitro, paisaxes en folga que pronunciará esta tarde no Consello da Cultura Galega (17:00 horas), no marco das xornadas Arte+Espazo Público. Para Muñoz, doutor en Xeografía e asesor do Consello de Europa en materia de urbanismo, paisaxe e planificación urbana, hoxe en día pódese falar de “urbanalización”, ao construirse paisaxes desancoradas do territorio no que se insiren.
