Educación recupera a materia de Xeoloxía para o Bacharelato

Atendendo a demanda de numerosos colectivos educativos relacionados coa xeoloxía, esta materia volverá ser optativa para os estudantes de 2.º de Bacharelato no vindeiro curso escolar 2009-2010. Así o decidiu a Consellaría de Educación que considera que a Xeoloxía contribúe, segundo di a nota de prensa, “á formación integral do alumnado, achega coñecementos para entender como funciona o planeta e resulta unha ferramenta esencial para deseñar calquera iniciativa de desenvolvemento sostible global”.