Cerditos de Guinea lánzase á edición de álbums franceses

O primeiro volume da serie francesa Luchadores five, La cité des hommes brisés verá a luz en galego da man de Cerditos de Guinea Cómics, co título de Os cinco loitadores. Segundo adianta David Prieto Gochi, a súa recente visita ao Festival de Angoulême coma parte da delegación galega permitulle fechar con Humanoïdes Associés a edición desta obra, con guión de Jerry Frissen e mais debuxo de Bill. A intención de Cerditos é publicar a obra ao longo do verán. O volume, de 64 páxinas sairá cunha tiraxe de mil exemplares.