Malia a que a presentación oficial será o vindeiro 25 de xuño na sede do Museo do Pobo, está xa rede a páxina do Arquivo do Patrimonio Oral da Identidade (APOI). Este novo proxecto, que xorde do Museo do Pobo e mais do Instituto de Estudos das Identidades, pretende desenvolver traballos de dixitalización e catalogación de fondos sonoros, así coma a súa publicación en liña. Segundo adianta o web, xa está completa a dixitalización dos arquivos de Mini e Mero, e está a se traballar cos fondos de Xesús Mato, cos incluídos no proxecto Recuperar a tradición oral, e coas gravacións que empregou Marcial Gondar na súa investigación sobre sanidade en Santa Comba.
