Segundo adianta Tirso Cons no seu blog, a editora alemá Egmont Verlag acaba de adquirir os dereitos para publicar nesa lingua a serie Le manoir des murmures. Segundo explica Cons, está previsto que o lanzamento se faga en setembro de 2009, mentres que o terceiro volume debería saír en Francia para o mes de novembro. Neste mesmo país está xa a venda a reedición do primeiro tomo, mentres que a versión española, prevista nun comezo para 2009, terá que agardar ata o vindeiro ano. Ademais do debuxo de Cons, a serie conta con cores do coruñés Javi Montes.
