O xurado do Premio Otero Pedrayo decidiu esta mañá en Ourense recoñecer co galardón ao historiador e escritor Marcos Valcárcel. O Otero Pedrayo está dotado con 30.000 euros e recoñece o traballo a prol da difusión da nosa cultura. O fallo do xurado, que foi por unanimidade, sinala que Valcárcel é un punto de referencia do presente e o futuro da cultura galega" e recoñece a súa longa traxectoria "como investigador, erudito e divulgador". O xurado do premio está composto por representantes da Xunta de Galicia, das catro deputacións, das universidades de Vigo, Santiago e A Coruña e mais da Real Academia Galega.
