É un dos artistas máis internacionais da creación galega e a súa obra atópase nos museos máis prestixiosos do mundo. Antonio Murado (Lugo, 1964) regresa a Galicia para exhibir as súas últimas creacións na Galería Trinta (Virxe da Cerca, 24) de Santiago. Unha mostra que é unha continuación da que acolleu o Museo Provincial de Lugo en 2006. Nesta ocasión, Murado fai un aceno aos tres xéneros tradicionais da arte, os mesmos que dán título á exposición, Bodegón, paisaxe, retrato, sobre os que reflexiona sen perder o seu estilo.
