A comercialización e internacionalización son as claves do éxito dos produtos audiovisuais. Por ese motivo, a Escola de Medios de La Voz de Galicia, a Universidade da Coruña e o Consorcio Audiovisual organizan un curso de posgrado especializado nesa temática. No marco dese curso, Juan Carlos Tous, director xeral da distribuidora Cameo, e Patricia Porto, directora de ventas de Televisa Estudios, achegarán cadansúa clase para ensinar a vender produtos videográficos e as claves das telenovelas, respectivamente. A primeira delas terá lugar este venres 8, mentres que a de Patricia Porto será o día seguinte, e achegará as claves da telenovela, xénero en auxe en países europeos e asiáticos.
