Monxardín gaña o premio Carracedo de xornalismo polos seus artigos publicados en La Región

“A variedade dos artigos, a calidade léxica, o tono desenfadado que o autor lles da ós mesmos, o elevado nivel cultural dos comentarios e a súa conciencia crítica e, incluso, provocadora” son os argumentos polos que o xurado declarou que Alfonso Vázquez-Monxardín fora o gañador do premio “Carracedo” de Xornalismo polo seus artigos publicados en La Región. Un certame que convoca a Deputación de Ourense e está dotado con 5.000 euros. O segundo premio foi para Juan Andrés Hervella Vázquez por unha serie de microespacios emitidos pola cadena COPE sobre lendas galegas, relatadas e dramatizadas polo propio autor. O segundo premio está dotado con 3.000 euros e ambos galardóns entregaranse na segunda quincena de maio.