As Feiras do Libro de 2009 arrincan en Ferrol

Ferrol acolle, entre o 22 e 26 deste mes, a primeira das feiras do libro que percorrerán a nosa xeografía durante os vindeiros meses. O evento, que conta cun orzamento de 30.000 euros, está organizado en colaboración entre o Concello e os libreiros, e inclúe xogos populares, obradoiros, contacontos, actuacións teatrais e encontros con autores entre outras actividades. Suso de Toro será o responsable de ler o pregón inaugural da vixésima edicón deste evento o vindeiro mércores 22 ás oito da tarde. A coincidir co Día do Libro, 23 de abril, celebrarase un maratón de lectura na sede da Fundación Caixa Galicia.