Melloraron as infraestruturas de telecomunicacións, incrementouse a actividade dos centros e plataformas tecnolóxicas, aumentou o uso de software libre por parte das PEMES e cada vez son máis os usuarios que participan nas actvidades da Rede de Dinamización. Estas son as principais conclusións do informe de seguimento do Plano Estratéxico Galego da Sociedade da Información (PEGSI) relativas a 2008. Un documento que deu a coñecer hoxe a Consellaría de Innovación e Industria e que permite ter unha visión completa do estado da Sociedade da Información en Galicia.
