A Literatura Infantil e Xuvenil celebra o seu día

A celebración do Día do Libro Infantil e Xuvenil está a motivar actos por todo o país. Exposicións coma Lendo... máis cerca que organiza Kalandraka na Fundación Granell de Compostela, encontros cos autores coma o que mantén Agustín Fernández Paz na libraría El Corte Inglés de Vigo ou o III Maratón de Lectura Infantil e Xuvenil Encontros Fantásticos que celebra a Granell en colaboración con Xerais son algunhas das propostas que hai no país. A seguir coa celebración, Manolo Rivas presenta mañá no Colexio Andaina de Culleredo a súa última obra, O sombreiro Chichiriteiro, destinado aos máis pequenos. A celebración coincide cun bo momento para este sector editorial.