Unha perfomance, un sorteo de obras artísticas e moita música compoñen o cartel da festa coa que hoxe se presenta o Laboratorio de Colaboración Artística (21:00 horas na Rúa Ulla, 25). Unha asociación que nace con dous obxectivos: primeiro, poder xestionar o Roteiro de Creación Artística que se desenvolve anualmente en Santiago; e, segundo, para ampliar as actividades a todo o ano. Entre elas, destaca Troc-Temps, unha especie de banco do tempo de contidos artísticos. “No fondo, asegura Teo, unha das promotoras da iniciativa, o que pretendemos é saír dos criterios das valoracións da artes habituais: os políticos, económicos... que establecen as galerías ou institucións e abrir o abano ao público”.
