Detalle da portada do número dez da revista Casahamlet
Non é unha revista ao uso, porque non é unha publicación informativa, senón de creación. Comezou a súa andaina hai dez anos e nesta traxectoria escribiron nela desde autores recoñecidos como Manuel Lourenzo ata os novos valores da escrita dramática como Eva Ferreira ou Roi Vidal. “É unha revista de creación e investigación” afirma Isaac Ferreira o director desta publicación que acaba de presentar o seu último número (o 10) na que fan un monográfico do teatro fantástico. Un proxecto que nace ao abeiro do Estudio de Teatro: Casahamlet.
