Un proxecto permítelle a intérpretes de música clásica debutar nos escenarios

As irmáns Maria Luz e Raquel Rivera caracterízanse por ser un dúo de violín e piano que prestan moita atención á música contemporánea. Son as encargadas de abrir “Galiópera” un proxecto promovido pola soprano Laura Alonso para promover a presenza de intérpretes nos escenarios. A proposta que se pon en marcha esta noite en Madrid, no Centro Cultural Nicolás Salmerón, pretende que músicos novos se enfronten aos escenarios e que, ademais, inclúan no seu repertorio composicións galegas. O proxecto nace con apoios de fundacións privadas, pero Laura Alonso agarda que o goberno galego se involucre na iniciativa.