Os autobuses urbanos de Vigo levarán en breve unha exposición con portadas e debuxos da revista Retranca. Kiko da Silva facía esta mañá o anuncio ao abeiro do debate que mantivo coa empresa concesionaria por mor da campaña publicitaria da revista. Segundo publica o blog da publicación, Vitrasa negouse a incluír nos seus buses o cartel que imitaba a recente campaña atea que se está a dar en diferentes cidades. Logo dun pequeno cambio no texto (de "os deuses non existen" a "Zeus non existe") confirmouse que os buses circularán coa publicidade a partir de mañá.
