O Neorama dos Quadrinhos compila material galego para unha exposición

A newsletter de Internet Neorama dos Quadrinhos fai un chamamento aos autores e editores galegos para compilar BDs do noso país. O material que reciban fará parte dos encontros mensais Coxias de Caxias que se desenvolveran en Serra Gaúcha (Brasil). Parte do mesmo compilarase na que quere ser a Mostra Mundial dos Quadrinhos. Segundo explica Marko Ajdaric, da organización, a intención é compilar 220 publicacións duns corenta países que compartirán espazo cunhas 70 edicións brasileiras. Adjaric confirmou que xa contan con mostras de Retranca, Golfiño Xaquín Marín e de Os compañeiros. A orde da pedra de Miguelanxo Prado e que agarda ampliar o quiñón galego nesta iniciativa.